10 Plugins for Best WordPress Blog [Urdu]

Assalam-o-Alaikum, Pichli Post mein hum ny WordPress ko istimaal krna seekha tha, Aaj mein is post mein spko WordPress k mukhtalif Plugins k baaray mein bataon ga jo k Google Analytics k standard k mutabik lazmi istimaal krny chahye jo apko Search Engine Optimization mein b help kren gy ;)

Jaisa k sab jaanty hain k WordPress iss time ka sab sy bara aur zabardast platform hai jiss sy hum kisi b tarah ki professional website ya blog bana skty hain. WordPress k main 2 faidy hain:

1. Search Engine Optimization mein bohat madad krta hai.

2. Hum kisi b tarah is ko customize kr skty hain.


Jaisa k hum isko kisi b tarah customize kr skty hain to iss kaam k liye manul Coding ya Plugins use hoty hain, Plugins aisy Codes hoty hain jin sy apka kaam bohat ziada asaan ho jata hai. To zruraton ko mad-nazar rakhty huy mein ny Plugins ki ye List bnayi hai jis sy Apko Blogging mein bohat asaani hogi :) Chalen dekhty hain phr:

1. Akismet

Akismet Plugin sath he installed hota hai jab aap WordPress install krty hain, iss sy is Plugin ki ahmiyat ka andaza lagaya ja skta hai :) Ye best Plugin hai jo Bots aur Spam ko rokta hai, Bots aur Spam wagera aap k Blog ki SEO par bohat ziada effect kr skty hain. Issliye ye Plugin number 1 par hai aur hamesha rahy ga :)
[php] [/php]
 

2. Growmap Anti Spambot Plugin

Blog ki SEO sab sy ahmiyat rakhti hai, Islye Spam aur Bots ko Blog ki SEO kharab honay sy bachany k liye ye aik aur Plugin hai jo Comment box k sath aik human verification check laga deta hai jis sy Spam Bots wagera comments nahi kr saken gy ;) aur ye b Akismet ki tarah ghazab k Plugin hai.

 

3. W3 Total Cache

Jab baat speed ki hoti hai to W3 Total Cache plugin ko aap k WordPress mein lazmi hona chahye, Ku k ye plugin automatically WordPress blog ki speed ko ziada krny mein madad krta hai aur pages ka load time kam hojata hai, jis sy apki hosting ki bandwith bohat kam waste hoti hai. To umeed hai ye plugin aap k WordPress mein zrur hona chahye :)

 

 

4. Contact Form 7

Aap apni website par aisa system to bnana chahen gy na jis sy koi visitors apko contact kr saky? Tou ye Plugin sab sy best hai ;) is k short-code sy aap Contact Us form kahin b insert kr skty hain. Aur ye Bilkul FREE b hai :)

 

5. WordPress SEO

WordPress mein jab b SEO (Search Engine Optimization) ka naam aye ga to ye plugin apko zrur nazar aye ga, WordPress ki history mein ye sab sy famous plugin hai jo apko SEO mein bohat saari help kry ga. Google Webmaster k standards k mutabik apko Posts creat krny mein complete help kry ga aur ultimately maddad kry ga SEO mein.

 

6. SexyBookmarks

SEO ka naam lety he Social Media ko bohat ahmiyat di jati hai ku k Google apny Search Engine mein Social media aur dusri cheezon ko dekhty huy he ranking krta hai, Islye apko zrurat pary gi apni posts mein social media buttons ki, Iss k liye SexyBookmarks Plugin sab sy best solution hai jisko aap kahin b zrurat k mutabik istimaal kr skty hain ;)

 

7. Google XML Sitemaps

Google mein website indexed krwany k liye apko Google Webmaster mein sitemap submit krwany ki zrurat b pary gi, Sitemap apki poori website ka aik architecture hota hai ya aap isko map/naqsha b keh skty hain. iss sy Google Bot ko pata chalta hai k iss website mein kitni Posts Pages aur dusray documents hain.

 

8. WPtouch

Aaj kal Mobile par Internet istimaal krny ka trend ziada ho raha hai too ye Plugin aap ki website ko Mobile devices k liye automatically design kry ga aur mobile k browser ki zruraton ko dekhty huy usko optimize kr dy ga.

 

9. BackUpWordPress

WordPress blog bnaty aur kuch posts bnaty sath he apko apna Data secure lazmi krna chahye, Website k baary mein kisi tarah ka risk acha nahi, Sochen agar aap ny bari mehnat sy 500 Posts bnayin hon aur aap ki hosting company ka Server Crash hojaye? tou? is k liye apko apni website ka backup lazmi bnana chahye, Ye plugin ap k blog ka automatically backup bana dy ga jis ko aap apny computer mein download kr skty hain.

10. Broken Link Checker

Google iss baat ko acha nahi smjhta k us mein broken links hon, Islye iss tarah ki problem sy bachny k liye apko is plugin ko istimaal krna chahye jis sy apko foran pata chal jaye ga k kon sa link kaam nahi kr raha aur aap foran usko change ya theak kr den gy ;)

 

Aaj k liye bs itna he :) umeed hai apko meri ye koshishen pasand ayi hongi :) Is post ko apny doston k sath share kr k un k knowledge mein b izafa kren ;) Agli dafa hum kuch naya seekhen gy, ALLAH hafiz

 

#Muhammad Waseem